Hnyttinn titil hér

Dónaskapur dagsins

2008-05-16T05:04:00.000-07:00

Delirium bubonis = Galinskapur nárans.

Hybris.

2008-04-25T13:45:00.000-07:00

Kunnáttunnar kynstrin öll
kalla'á mig að leika.
Um þann djúpa vígavöll
valtur mun-at reika.

Heimsmynd mín riðar...

2008-04-23T14:34:00.000-07:00

...til falls.

Um tilviljanir

2008-04-22T14:53:00.000-07:00

Af hverju ætli þessi áróðursfrétt hafi birzt í kjölfar¹ þessa sendibréfs?

¹ Réttara: Tæpum mánuði síðar.

Et andet billede

2008-04-15T15:10:00.001-07:00

Séð út um glugga Árnastofnunar 12. apríl 2008

2008-04-14T14:40:00.000-07:00

Memor non sum

2008-04-03T04:09:00.001-07:00

Heyriði, haldiði ekki að ég hafi bara gleymt að henda inn hnyttinni færslu 15. marz síðastliðinn í tilefni daxins?

Et tu memoria!

Aprílgabb

2008-04-01T07:20:00.000-07:00

Vid rannsóknir mínar hjer í Høfn rakst jeg fyrir tilviljun á ádur óþeckt handrit í skúringakompu.

Það inniheldur Heidarvíga-søgu og Gauks søgu Trandilssonar, auk ádur óþecktrar søgu; Atari 2600, User's manual.

Vid þessi tídindi braust út almennur fögnudur medal tignara altaris Árna og hófust færustu handritafrœdingar strax handa vid útgáfu Atari søgu 2600.

Hvalasaungur

2008-03-31T11:05:00.000-07:00

Hefur einhvur spilað upptöku af bauli kýrinnar neðansjáfar?

Skilgreining á íróníu

2008-03-28T08:29:00.000-07:00

Mig hryggir.

Íslensk réttritun mín kennir mönnum m.a. að þekkja skriftareinkenni hvers tíma, leiðbeinir um réttan framburð og rétta stafsetningu, sér í lagi um bókstafinn Y.¹

Sé þessi texti lesinn er ekki annað að sjá en að hann hafi verið skrifaður eftir 1974.
En svo er ekki raunin. Þetta skrifaði Jón Ólafsson antiquarius úr Grunnavík. Reyndar á latínu en þýðingin er nýleg. En dæmið stendur fyrir sínu því það sem prentað er eftir hann annað í sömu bók, og samið er á íslenzku, er svo gjörsneytt öllum einkennum síns tíma að undrum sætir. Til hvurs er þá unnið?

---
¹ Jón Ólafsson úr Grunnavík: ,,Inngangsritgerð að fornum fræðum." Vitjun sína vakta ber. Safn greina eftir Jón Ólafsson úr Grunnavík. Guðrún Kvaran þýddi. Guðrún Ingólfsdóttir og Svavar Sigmundsson ritstýrðu. Reykjavík, 1999. Bls. 53-65, á bls. 62.

Hrmpf.

2008-03-18T12:52:00.000-07:00

Lesari! Hvað ertu að hanga hér? Það er nýtt á Lesnum.

Í dag

2008-03-18T05:12:00.000-07:00

Hér sést gengi dönsku krónunnar m.t.t. hinnar íslenzku síðan ég kom til Hafnar (hugmyndinni stal ég af Birni, myndinni af Kaupþingi).
Í dag er það 16,26 gott fólk.

Í dag er ég snauður og á ekki eyri,
ölmusumaður á beiningaferð.
Einasta vonin að himnarnir heyri ---
þó hanga' um mig tötrarnir, eins og þú sérð.
Gef mér aflóa fat
eða fleygðu í mig mat!
Því forðastu' að tylla þér þar sem ég sat.
(Sigurður Sigurðarson)

Undarligt

2008-03-17T16:43:00.000-07:00

Núna eru rétt um fimm ár síðan við réðumst inn í Írak. Helgina eftir að innrásin hófst sýndi ríkissjónvarpið kvikmyndina Air force one (loftkraftur eitt), sem segir frá hetjudáðum forseta Bandaríkjanna í flugvél sem hefur verið rænt (ó, írónían). Nú í kvöld sýnir danska ríkissjónvarpið, DR1, (og NB hér er Anders ,,Bush" Rasmusen forsætisráðherra) kvikmyndina Farenheit 9/11 (ca. -17,8 á selsíus).

Minntist einhver á sjálfstæði fjölmiðlanna?

Fallandi gráður

2008-03-17T14:25:00.000-07:00

Allt helzt þetta í hendur. Á sama tíma og krónan fellur í verði, fellur hitastigið hér í Höfn. Sjá meðfylgjandi mynd, sem ég tók inn í húsagarðinn út um eldhúsgluggann minn núna í kvöld.

Í mínu nafni

2008-03-17T06:05:00.001-07:00

Þeim sem leiðist mega fara í mótmælagöngu um Borgartúnið. Ég ræddi við frænda minn á MSN-i áðan, og á meðan hækkaði danska krónan um 37 aura. Nú er hún nálægt 16 krónum. Þegar ég flutti hingað út var hún í 13.

Í mínu nafni og annarra sem svipað er ástatt um (sjá t.d. http://fjallabaksleidin.blogspot.com/2008/03/mn-ekonmska-angist.html, ég þakka Jóni fyrir ábendinguna) má mótmæla þessu fjárhættuspili með peningana okkar (og hýða gerningsmændene).

Hver græðir? Apakettir sem flytja miljarðana sína til útlanda í stríðum straumum núna.
Hver tapar? Venjulegt fólk sem vill sem minnst hugsa um peninga.

Af spurningum sem munu endurskilgreina tilveru okkar

2008-03-14T08:28:00.001-07:00

Af hverju er hugtakið miðaldir okkur svona tamt, á meðan hugtakið nýöld er það ekki?

Og afhverju eru miðaldir (ca. 450/800 - ca. 1500) í fleirtölu, en nýöld (ca. 1500 - ca. 1815) ekki?

Af einu og öðru

2008-03-13T12:52:00.000-07:00

Jæa, þá er fyrirlesturinn afstaðinn. Þetta gekk bara ljómandi vel, var ágætlega sótt og fólk sýndist mér áhugasamt. Skemmtilegar umræður spunnust að lestri loknum.

Hér rignir.

Ánægjulegt er að sjá að ritstuldur lýðst ekki á Íslandi.

Pakki til útheimin

2008-03-12T09:50:00.000-07:00

Hvað ætli standi á færeyskum pökkum sem sendir eru til útlanda?

Annars, þá er fyrirlesturinn á morgun. Það verður fjör.

Það er enn sumarblíða, ögn hvasst reyndar.

Giøben þýðir handfylli á dönsku, framundir ca. 1700,¹ hafi einhver áhuga.

¹ Yngsta dæmið sem ég hef séð er í fororðníngu um viðbrögð við pestinni í Kmh. frá 1711. Orðið kemur ekki fram í ODS (sem á að vera yfir dönsku frá 1700 til nudansk) en er í Ordbog over det ældre danske sprog, sem omfattar tímabilið 1300-1700.

Hvati til neyzluæðis

2008-03-08T06:38:00.000-08:00

Ætti ég ekki að hefja hamstur á allskyns vörum, áður en krónan fellur enn frekar? Þá þyrfti ég ekki að eyða svo miklu fé seinna í vor, þegar krónan verður komin á ómagaframfærslu. (Þegar ég kom kostaði ein dönsk króna ,,bara" 13 íslenzkar, nú eru það 14.)

Veðurfregn: í dag var fyrsti yfirhafnalausi dagurinn á þessu vori. Beztu kveðjur á klakann.

Hjólhestur

2008-03-06T06:35:00.000-08:00

Hjer gefur að líta vakran gæðing, hjólhest vorn. Takið t.d. eftir glæsilegu brotinu í afturbrettinu, myndin sýnir því miður ekki gatið í hnakknum eða bágt ástand gírskiptingarinnar (sem er eins og á mótórhjóli, brúmm, brúmm), en þrátt fyrir allt þetta rennur hjólhesturinn eins og fjörugt ungtryppi, sem stekkur fagnandi mót rísandi sólu. Þennan hjólhest keypti ég á lögregluuppboði og lét svo gera við. Samtals reiddi ég ca. 1000 kr. (danskar) af hendi fyrir þettað. Nýir hjólhestar krefjast sýnist mér frá 3.000 krónum og uppúr (nema á tilboði í Kvikly, en það er líka drasl). Svo er Centurion víst líka ágætt merki. Enda danskt.

Bœkur

2008-03-03T06:45:00.000-08:00

Fyrst ég missi af bókamarkaðinum í Perlunni í ár, þá er ekki úr vegi að upplýsa lesendur um nýleg bókakaup, hér í Höfn.

Bókamarkaðinum í Heilagsandahúsinu við Strikið er lokið. Þar fékk ég nokkrar ágætar, þýsk-danska orðabók frá Gyldendal, Biflíu á dönsku (nú á ég þrjár, á dönsku, þýzku og íslenzku ('81), vantar samt Vúlgötuna), Historieskrivningen e. Steenstrup og skemmtilesningu um danska kónga og drottningar e. Palle Lauring (popúlista).

Í skólanum eru reglulega bókamarkaðir frá Museum Tusculanums Forlag. Þar hef ég m.a. fengið Den trykte kulturarv, ritgerðasafn um skylduskil í konunglega bókasafninu og bók um sagnfræði Steenstrups.

Í gær keypti ég líka á útsölu hjá Politiken Om fred, pga. Karl von Clausewitz' Vom Krige eftir Jesper Klein. Það er ágætur áróður.

Undarlegt

2008-02-28T11:26:00.000-08:00

Fimm menn. Einn þáttarstjórnandi, fjórir ósammála.

Undantekningarlítið: Einn talar í einu, vilji annar orðið, réttir hann fingur upp í loft og gefur þar með þáttarstjórnanda merki. Síðan fær hann orðið, þegar sá sem áður talaði hafði lokið máli sínu.

Þessir Danir hafa ekki hugmynd um hvað er gott sjónvarp.

Nogle bemerkinger

2008-02-27T12:58:00.000-08:00

Jeg har ikke en cykel.

Møntvaskeriet (som ligger her i gaden) virker fint. Men jeg burde dog bruke sentrifugen, ellers koster det alt for meget i tumbleren.

Måske vil jeg købe et nyt cykel?

Indtil halftreserne sagde folk [sikel], men nu siger alle [sukel]

Í hádeginu borða ég vanalega í kantínunni í byggingu 23 með Árnastofnunarliðinu. Nema á þriðjudögum, þá er leshringur í „stofnuninni“. Núna er Morkinskinna lesin. Þau nota mig og hina Íslendingana til að lesa kvæðin.

Baunafrjettir

2008-02-27T12:57:00.000-08:00

Jeg hef enn ekki borðað baun, hjer í Danmörku (held ég?).

Lengi lifir í gömlum glæðum

2007-12-09T16:23:00.000-08:00

Hér hefur lítið verið skráð lengi, það fer ekki fram hjá neinum.

Mér þykir miður að hér sé þráðurinn ekki tekinn upp vegna fjölda áskoranna. Reyndar man ég bara eftir einni áskorun um að hefja aftur ritun hér. Þetta er þá kannski bara spurning um framboð og eftirspurn.

En þá er nú heldur betur við hæfi að gefa markaðslögmálunum langt nef og skrifa einhvern fjárann.

Reyndar hef ég ekkert að segja, en ég er bjartsýnn á framhaldið.

Og já, ég er orðinn góður í fætinum.

Líkömnun orðatiltækja

2007-07-10T14:10:00.000-07:00

Fyrir brátt viku síðan henti mig óhapp. Þá hnaut ég um við lendingu eftir stökk yfir Reykjadalsá. Var ég af þeim sökum borinn til byggða niður Reykjadal af vöskum piltum og stúlkum úr Hjálparsveit Skáta í Hveragerði og Björgunarfélagi Árborgar. Kann ég þeim hinar bestu þakkir fyrir viðvikið.

Nú sit ég upp í loft með teygðan og togaðan fót og styðst (styst?) við hækjur.

Þá er inntak þessa pistils þetta: í mér líkamnast í einum manni orðatiltækið: haltur leiðir blindan.

Mislukkaðar þýðingar erlendra hugtaka

2007-07-03T06:34:00.000-07:00

„Þarflegt hefði verið að benda á að „metatexti“ er ekki tilvísun til hinnar vinsælu árbókar Guinness, skýringin „sjálfssaga“ dugir tæpast til (V, 566). ... Þegar lesandinn rekst á orðið „markareynsla“ (V, 499) veltir hann því kannske fyrir sér hvort verið sé að tala um hið forna íslenska bændaþjóðfélag eða þá fótbolta, en með smávegis heilabrotum kemst hann að því að þarna er sennilega átt við það sem nefnt er „jaðarreynsla“ á öðrum stað (V, 705). ... Orðið „runklifun“ (IV, 62) er greinilega samsett, en þá kemur vandinn: hvernig skiptast liðirnir? Það er svo sem markareynsla út af fyrir sig, því eftir því hlýtur skilningur orðsins að fara, og framburðurinn að vísu líka ef út í það er farið.“

Einar Már Jónsson: „Í hreinsunareldinum“ Skírnir 181:1 (2007). Bls. 241-248, á bls. 247-248.

Enn af misjöfnum markaðsmálum

2007-06-27T13:24:00.000-07:00

Nú fyrir skemmstu lokaði bankinn minn kreditkortinu mínu. Það kom þó ekki að sök, því mér var sent nýtt, um hæl. Enda stóð lokun eldri þjónustu fyrir dyrum.

Nýja kortið, ber nafnið Kortið. Hér er því enn eitt dæmið, um markaðssetningu, sem byggir á stuttu nafni, sem um leið er orð, í daglegu máli (önnur dæmi um heimskun málsins á þessu sviði eru t.d. Já, Sko, Hmm, Ha, Jamm & Jæja, Sei Sei Jú Mikil Óskup...).

En nóg um það. Þessu fylgir, vitanlega, merki, og nú ber vel í veiði! Bankinn, sem um ræðir, á merki, sem túlka má, sem K eða B, eftir því, sem aðstæður krefjast. Því liggur beinast, við að brúka merkið, sem upphafsstaf orðsins Kortið.

En! Nú versnar í'ðí lagsmaður. Sjá:

Vill sá, sem ekki las „Fortíð“ út úr þessu, við fyrsta augnlit, gefa sig fram? Og varla eru það góð skilaboð? „Fortíð fyrir ungt fólk“ eins og eitt slagorð þessarar herferðar hljómar, með leshætti þeim, sem hér er á borð borinn.

Ach so!

2007-04-01T15:45:00.000-07:00

Ég hefi uppdagað rót þess dálætis er ég hefi á (hefi ég nú lært) þýsk/gyðing/enska sagnfræðingnum G. R. Elton. Áður hélt ég að fyrrnefnt dálæti grundvallaðist á ritun hans um ástundan sagnfræði (Elton: The Practice of History) en svo las ég að hann sá ljós þessa heims fyrst í hinum mjög svo ágæta bæ T ü b i n g e n í Þýskalandi!¹

¹ Evans, Richard J.: „Afterword“ The Practice of History. Bls. 165-203, á bls
166.

Enn af merkjum stjórnmálahreyfinga

2007-03-24T07:35:00.000-07:00

Ég rak augað í merki nýs framboðs, Íslandshreyfingarinnar, nú fyrir skemmstu. Rak mig þá minni til annars merkis, öllu eldra, og tengist myndskipulagsforritinu Picasa - hvert Google á.

Hér eru merkin tvö birt til samanburðar, ég felli engan dóm:

Vísa

2007-03-11T15:48:00.000-07:00

Klappa saman lófunum,
reka féð úr móunum,
vinna sér inn bita
og láta ekki hann pabba vita.

Þessi gamla vísa minnir á andúð yfirvaldsins á lausamennsku hverskonar. Í henni kristallast sú tryggð sem vinnufólki bar að sýna bændum þeim sem það vann hjá og nútímamaðurinn sér þá ást sem er á hinu frjálsa framtaki nú á tímum.

Næsta skref í jafnréttismálum

2007-03-07T11:10:00.001-08:00

Nú þarf að setja kynjakvóta á skjólstæðinga fæðingadeilda!

Stjórn

2007-03-07T11:06:00.000-08:00

Nú ætti, vegna þessa margþvælda auðlindaákvæðismáls, stjórnarandstaðan, með fulltyngi Framsóknarflokks, að lýsa yfir vantrausti á ríkisstjórnina.

Af merkjunum skulið þér þekkja þá

2007-03-03T10:49:00.000-08:00

Nýtt merki Framsóknarflokks var kynnt á dögunum. Meining mín er sú að þar loks sýnir flokkurinn sitt rétta eðli.
Svo lítur hið nýja merki út:

Þar, fyrir utan nafn flokksins, er mynd. Hún er saman sett af tveimur formum. Annað, vinstra megin og dökk grænt, er að öllum líkindum andlit. Hið síðara, hægra megin og ljós grænt, er óljósara. Formið er hægra megin, og myndar tvo hnalla, ekki ósvipað þjóhnöppum. Því er mín kenning sú að merkið, verandi hægra megin og ekki ósvipað óæðri enda, tákni Sjálfstæðisflokkinn. Andlitið vinstra megin er því Framsóknarflokkurinn sem kemur og kyssir rass Íhaldsins. Afleiðing þeirra ástaratlota er sá flokkur sem myndar núverandi Ríkisstjórn, Framstæði Sjálfssóknarflokkurinn.

Kronprins Frederik har et höjt mast...

2007-02-25T11:28:00.000-08:00

Sbr. nýlegar fréttir (sjá hér: http://mbl.is/mm/folk/frett.html?nid=1255475) eru háu möstrin enn við lýði, og miðað við viðbrögð Svía, má brúka þau til að brjóta heila og hjálm.

Vores Dronnings Sundhed

2007-02-08T14:29:00.000-08:00

Nú hefur höfuð Stór-Danska Konungsveldisins hlotið nýtt hné! Hurra, hurra, hurra, hurra!

Því legg ég til textabreytingu, í stað:
Kong Kristian stod ved hojen mast
kemur:
Dronning Margrethe stod ved nytt knæ!

Óheillavænleg prófílun minnar persónu

2007-02-05T12:52:00.000-08:00

Fyrir nokkrum misserum síðan keypti ég bók hjá Amazon í Stóra-Bretlandi. Sú heitir: The Executioner Always Chops Twice: Ghastly Blunders on the Scaffold, í hverri, á gamansaman hátt, er sagt frá mistökum við aftökur, aðallega í Stóra-Bretlandi, en einnig víðar. Ogsvo er sagt frá helstu aðferðum hins opinbera við að taka líf þegna sinna og borgara.

Nú í dag fæ ég gagnavarpsviðtækisbréfpellu (e. E-mail) frá Amazon í Stóra-Bretlandi, hvers efni var: Get "Sadistic Killers: Profiles of Pathological Predators" by Carol Anne Davis for £7.99

Ekki mjög lystaukandi, eða hvað? Hvað halda þessir menn um mig, ef þeir finna sig knúna til að láta mig vita af hverri einustu ógeðsbók sem kemur út, bara vegna vægs aftökublætis míns?

P.s.: Amazon = óþægindasvæði?

Nýyrdi

2007-01-18T12:47:00.000-08:00

Jeg hefi uppþenkt nýnefni fyrir hid mjög svo módins ambod, sk. 'komfúter', eda töl-vu, í mislukkadri þýdingu, íslenzkri, nýlegri. Nefni þettad er G a g n a v a r p s v i d t æ k i , þar ed, þessi sk. 'komfúter', eru, mjer vitanlega, ad mestu lögd til brúks vid neyzlu gagnavarpsins alkunna, er erlendar þjódir, barbarískar ad ætt (les rómverskar), nefna 'inter-net'.
Hinar hardgeru norrænu þjódir, germansks ættarstofns, hverjum vjer tilheyrum, og þeirra æskufólk, hljóta ad leita, til nefnunar þessa fyrirbæris, ords af glíkum uppruna þeirra eigin.

[Þennan fyrnda pistil ber að skoða í samhengi, þ.e. málfars, stafsetningar og hugmyndafræði. Er þá átt við rómantískar þjóðernishugmyndir 19. aldar, sem tengjast uppruna hugtaksins 'þjóð' í nútímaskilningi. Pistilnum er ætlað að vera spaugsamur, hafi einhver húmör fyrir svona vitleysu.]

Vanhæfi?

2007-01-11T18:09:00.000-08:00

Mánudaginn 8. janúar sl. var viðureing Flensborgarskólans í Hafnarfirði og Menntaskólans að Laugarvatni í Gettu betur. Lauk leik með sigri Hafnfirðinga, 15-12, svíki minnið mig ekki. Er nokkuð um þetta að segja annað en að hér hafi betra liðið einfaldlega sigrað?

Það má vel vera, en tvö atriði verður að hafa í huga áður en á það verður fallist. Hið fyrra er að Davíð Þór Jónsson, núverandi spurningahöfundur og dómari Gettu betur, er fyrrum nemandi við Flensborgarskóla.

Síðara atriðið er að Davíð Þór Jónsson hefur mikla fordóma gagnvart Menntaskólanum að Laugarvatni. Þetta upplýsti hann í bakþönkum Fréttablaðsins, 30. apríl árið 2006 (birtist 2. maí s.á. hér: http://deetheejay.blogspot.com/2006/05/fordmar-mnir-gegn-laugvetningum.html).

Hlustendum var ekki gerð grein fyrir fordómum og hugsanlegu vanhæfi dómara áður en keppni hófst. Það eina sem kom fram þessu tengt var að Davíð er gamall nemandi Flensborgarskóla. Því vil ég að þessir skólar keppi á nýjan leik, í það sinn með hlutlausan spurningahöfund og dómara!

Háð og hæðni

2006-12-30T09:19:00.000-08:00

„... og svo hann hann að skrifa, sem er meira en hægt er að segja um ýmsa þá sem þeysast um ritvöllinn þessa dagana.“

Héðan: http://bingi.blog.is/blog/bingi/entry/93222/

Vissulega er þetta bara aum innsláttarvilla, en samt! Þetta æpir á að á það sé bent.

Öxulveldi?

2006-12-29T17:54:00.000-08:00

create your personalized map of europe
or check out our Barcelona travel guide

Ha? Austur? Nei, nei, alger óþarfi.

Fyrnska?

2006-12-16T11:40:00.000-08:00

Að brúka íslensku til dags daglegra nota er því glíkast að aka Ford-T módeli, ellegar sigla knerri, til vinnu.

Veðrörende beiðni um birtingu nýs efnis þessarar gagnavarpsrásar

2006-12-16T09:02:00.000-08:00

Ég er upptekinn!

Aðdáendur mínir eru yfirþyrmandi, ég er farinn í prímadonnufýlu.

PS. Lífeyrislaunakona er ljótt orð. Pensjónisti, ellibelgur, ellismellur, gamalt skarn ofl. eru kúl hugtök.

Íslenskufræðingar í framboði

2006-12-03T10:00:00.000-08:00

„Katrín segir vinstri-græna hafa verið ánægt með fjölda framboða og góða þátttöku í forvalinu.“

Tekið héðan: http://mbl.is/mm/frettir/innlent/frett.html?nid=1239053 Áherslur mínar.

Ég vona að þetta sé mistak blaðamanns frekar en tilraun frambjóðandans til að gelda flokkinn.

Gagnavarpsrás Austurvallarþings

2006-12-02T09:54:00.000-08:00

Á gagnavarpsrás Austurvallarþings má finna stutt æviágrip fyrrverandi og núverandi þingmanna. Er það vel. Verra er aftur á móti þegar rásir þingmanna eru ekki uppfærðar sem skyldi.

Lítil getraun: Hvaða upplýsingar vantar á þessa rás:
http://www.althingi.is/cv.php4?nfaerslunr=38 ?

Uppgötvun

2006-11-28T15:59:00.000-08:00

Í-slen-dingar. Letin er spunnin inn í þjóðarheiti Vort.

Hyllum letina!

Fyrir aðdáenda minn nr. 1

2006-11-27T12:56:00.000-08:00

Saving the social scientist from himself (and society from the social scientist) may be a worthy reason for studying history, but not many historians are likely to regard themselves simply as specialized nursemaids and Samaritans.

Elton, G. R.: The Practice of History. 2. útg. Oxford, 2002 (2006³). Bls. 35.

Skv. pöntun II

2006-11-26T15:41:00.000-08:00

Ég hefi ákveðið að heyra af þjónustusemi við pistlapantara.

Ekki stoðar eyminginn
í öngvu mun ég sinna.
Bloggin koma bara inn
bóna vegna minna.

Skv. pöntun

2006-11-18T13:09:00.000-08:00

Þessi færsla er umbeðin. Þannig er ég, ef aðdáendur mínir biðja mig um það, þá skrifa ég á gagnavarpsrásina mína til að þóknast þeim.

Fyndið!

2006-11-15T05:59:00.000-08:00

Sjá hér: http://mbl.is/mm/frettir/innlent/frett.html?nid=1235186

Merkilegra en framtakið sjálft finnst mér að það þurfi fæðingardag Jónasar til að sinna þessum sjálfsagða hlut. Eins finnst mér framkoma blaðamanns fáránleg, því hann lýkur fréttinni á því að segja: ,,Kvikmyndin Fearless mun t.d. heita Óttalaus!", eins og það sé sérstakur húmor fólginn í þessum þýðingum. Ég næ ekki upp í nef mér fyrir heift.

Þarft framtak

2006-11-05T06:37:00.000-08:00

Þetta er ágæt áminning. Jólin eiga ekki að vara 1/6 af árinu eða jafnvel 1/4 eins og hjá sumum kompaníum, heldur máské þrjá-fjóra daga.

Írróddir

2006-11-05T06:32:00.000-08:00

Afhverju ætli morgunleikfimin á Rás 1 njóti ekki meiri vinsælda en raun ber vitni, miðað við vinsældir annarrar leikfimi á öldum ljósvakans? Þar á ég við t.d. gnasspyddnu o.þ.h.

Frumvarp

2006-11-03T09:08:00.000-08:00

Það þarf að samþykkja sem fyrst, því kosningar nálgast, frumvarp sem gerir það að landráði að bjóða sig fram gegn sitjandi ríkisstjórn!

Jæg går til Danmark

2006-10-27T11:20:00.000-07:00

Loksins kemst ég til Kaupmannahafnar - höfuðborgar Dansk-Íslenska ríkisins!

Ég flýg sumsé (sigli því miður ekki) í fyrramálið, 28. október og kem aptur fjórum dögum síðar.

Undarligr málfluttningr ráðherra

2006-10-19T03:48:00.000-07:00

Jónína Bjartmarz umhverfisráðherra heldur að hvalveiðar geti skaðað ímynd landsins. Það má líka vel vera.

Tvískinnungurinn er alger, því hún gúdderaði Kárahnjúkavirkjun.

Sjá frétt hér: http://ruv.is/heim/frettir/frett/store64/item91611/

Fréttablindni íslenskra fjölmiðla

2006-10-09T14:15:00.000-07:00

Kárahnjúkjavirkjun mótmælt, Alþingi sett, mikil umræða um lækkun á matvælaverði, leyniskjöl um hleranir og leyniþjónustu Sjálfstæðisflokksins og annar hver maður gefur kost á sér í 1.-5. sæti í öðru hverju prófkjöri um allt land.

Hvar eru skoðanakannanir á fylgi flokkanna!?

Brandari

2006-09-28T14:13:00.000-07:00

Vitið þið afhverju Árni Johnsen fer fram í suðurkjördæmi?
Vegna alls fylgisins á Litla-Hrauni!

Egósentrismi íslenskra fjölmiðla

2006-09-22T07:48:00.000-07:00

Eins og kunnugt er hafa íslenskir fjölmiðlar einstaka ánægju af því að flytja fréttir af sjálfum sér - sk. metafréttir. Samt er eins og ekki sé sama Jón og sr. Jón í þessu efni. Nú er fyrirsáta einhverrar hundómerkilegrar útvarpssjónvarpsstöðvar sagt upp, og allar fréttaveitur fyllast umsvifalaust af tíðindum af stórviðburðinum. En þegar Ómar Ragnarsson varpar hlutleysiskrossinum og ýjar jafnvel að þverpólítísku sérframboði um umhverfismál, kemur það seint og um síðir og í mýflugumynd í fjölmiðlana.

Þessir Danir

2006-09-18T10:18:00.000-07:00

„Det var en Skat af alle Ildsteder i By og paa Land: Skorstene, Kakkelovne, Bagerovne og andre Ovne, Bryggerkedler, Esser etc. [...]“

Nielsen, Helge og Victor Thalbitzer: Skatter og Skatteforvaltning i ældre tider. Kjøbenhavn 1948 (ljósprent frá 1976). Bls. 68.

Fjölmiðlafræði 101

2006-09-18T10:14:00.000-07:00

Ég les (nánast) aldrei Moggann á pappír, en oft í gagnavarpinu.
Ég les (nánast) aldrei Fréttablaðrið í gagnavarpinu, en oft á pappír.

Íha!

2006-09-16T06:10:00.000-07:00

Stórfrétt/skúbb: í gær fór Gunnar á hestbak, í fyrsta skipti í tæp 20 ár. Og það var ekki teymt undir mér í þetta skipti.

(Svo kom ég heim og það var reykt folaldakjöt í matinn: ég og hesturinn, við erum eitt.)

Leyniþjóðargreiningaröryggisdeild

2006-08-31T16:06:00.000-07:00

Í umræðum undanfarinna daga hefur verðið óljóst hvort þetta séu þrjár óskyldar deildir eða ein sem gengur undir þremur nöfnum:
Greiningardeild
Þjóðaröryggisdeild
Leyniþjónusta
Björn Bjarnason sagði einhversstaðar, í útvarpinu minnir mig, að þetta væri sami hluturinn, þessi frétt Fréttablaðsins (27. ágúst) styrkir það minni mitt: ,,Sú deild var þá nefnd þjóðaröryggisdeild en nú virðist ráðherra hafa stigið skrefi lengra og kallar hana fullum fetum leyniþjónustu." (http://www.visir.is/apps/pbcs.dll/article?AID=/20060827/FRETTIR01/60827021/1092)
Björn skrifar aftur á móti á heimasíðu sinni tveimur dögum síðar, 29. ágúst, þetta: ,,þegar ég ræði um nauðsyn þess að efla löggæslu, ... kynni hugmyndir um þjóðaröryggisdeild eða segjast ætla að beita mér fyrir umræðum um leyniþjónustu." (http://bjorn.is/dagbok/2006/08/#d29)
Þetta lítur út eins og ráðherra dóms- og kirkjumála hafi ekki ákveðið sig hversu margar deildir hann vilji.

Reyndar fékk ég æðislega hugmynd um daginn: Að rétt væri sitja í bíl fyrir framan hús ráðherra í nokkrar klukkustundir og skrifa niður allt sem sést, t.d. klukkan hvað ráðherra yfirgefur húsið, hvað hann borðar, hvað sé í ruslafötunni o.s.frv. Þessa skýrslu mætti svo senda ráðherraembættinu undir fyrirsögninni:

STASI.

Það er nefninlega eitt að sérstök deild lögreglunnar hafi óskilgreinda lagaheimild til njósna og annað að sækja um heimild til hlerana o.s.frv. þegar rannsókn lögreglu gefur tilefni til að sækjast eftir slíku, eins og venjan hefur verið hingað til.

Morgunmatur

2006-08-31T06:32:00.000-07:00

Á morgnanna reyni ég yfirleitt að elda hafragraut. Það er staðgóður og hollur morgunmatur.

Uppskrift:
1 bolli haframjöl
2 bollar vökvi (mjólk eða vatn nema blanda sé)
1 hnífsoddur salt
1 teskeið sykur ef vill (ég nota annaðhvort púðursykur eða kanilsykur - stundum hvorgut, allt eftir skapi)
Rúsínur, bananar, epli eða aðrir ávextir að eigin smekk.

Þetta þarf að malla þangað til það er orðið nógu heitt til átu. Þá er það borðað. Bara passa að hræra vel í, sérstaklega ef mjólk er notuð.

DE SENECTVTE

2006-08-30T07:41:00.000-07:00

Í gær var akkúrat á r a t u g u r liðinn frá því ég varð táningur.

Jæa!

2006-08-24T08:13:00.000-07:00

Hvernig er það, bloggar enginn hér?

Jújú, alveg eins.

(Þetta er bylting í bloggi, fyrsta sinn sem einhver talar við sjálfan sig á gagnavarpinu!)

Vinna

2006-07-14T03:43:00.000-07:00

Núna er ég að færa inn í stafræna spjaldskrá skjalaskrá sem ég bjó til.

Undarlegt eignarfall

2006-06-24T11:28:00.000-07:00

Í auglýsingu á Skjá einum heyrðist þetta: „[...] Guðrúnar og Felixar [...]“

Og ég sem hélt að Felix væri eins í öllum föllum, sbr. þessa síðu.

Markaðsvæðing og söguvitund

2006-06-23T06:42:00.000-07:00

Það hljóta að vera tengls á milli framgangs helv. auglýsingamennskunnar og minnkandi söguvitundar/þekkingar/skilnings fólks almennt.
Sem dæmi má nefna nýútkomið Já. Það er rit sem mér sýnist að sé arftaki símaskrárinnar, blessuð sé minning hennar. Hinir ágætu Já-menn áttuðu sig þó ekki á því, þegar þeir héldu upp á 100 ára afmæli símaskrárinnar nú fyrir skemmstu (sem ég veit ekki hvort tengist fæðingu Já-skráarinnar), að sú ágæta bók hefur komið út frá árinu 1905 - ekki 1906. Þetta hef ég eftir Fréttablaðinu (ég nenni ekki að vitna fagmannlega í þeta).

Dæmi um samtal tveggja einstaklinga, A og B, í fyrirsjáanlegri framtíð (að því gefnu að Já haldi sér frá höfuðferðum):
A: Hvað er númerið hjá Nomen Nescio?
B: Bíddu, ég ætla að fletta upp í Já.
A: Já hvað?
B: Nú, í Já-inu.
A: Ha?
B: Já-skránni, með öllum símanúmerunum!
A: Já, meinarðu í símaskránni?
B: Já, í símaskránni.
A: Afhverju sagðiru það þá ekki strax?
B: Nú, afþví hún heitir ekki lengur símaskráin, heldur Já, með svona flottu lógói og allt.

____________
Es.: Þetta er fyrsta bloggið hér sem bloggað er í gegnum IE. Tölvudeild Kópavogs er svo yndæl að forbjóða notkun hins mjög svo ágæta eldrefs.

Blíða

2006-06-13T11:23:00.000-07:00

Veðrið hefur verið svo fínt í dag, að ég fékk ekki við mig ráðið og keypti Mannfækkun af hallærum, eftir Hannes Finnson Skálholtsbyskup.

Bleikt Flóð

2006-06-12T16:57:00.000-07:00

Þrátt fyrir hetjulega baráttu þar gegn, varð ekki hjá því komist að berja Hróðgeir Vatnsdal augum. Ekki segi ég að það hafi verið leiðinlegt. Eins var mikið um pólitísk skilaboð, gegn stíði og Runnanum.

Einkennilegar einkunnir

2006-06-09T07:35:00.001-07:00

Einkanlega gaman er að segja frá því að ein könnun leiddi í ljós að einkunnir eru, einkennilega seint þó, komnar í hús.

Ég kvarta sosum ekki, þannig lagað, yfir aflanum.

Rok

2006-05-23T15:26:00.000-07:00

Vindmótstaðan á leið minni heim úr vinnu í dag varð til þess að ég, á leið niður brekku, þurfti að stíga fótstigin til þess að færast ekki aftur á bak upp brekkuna.

Hugskot

2006-05-20T17:31:00.000-07:00

Þrýst á og skoð.

Grand prix

2006-05-20T14:49:00.000-07:00

Mikið verður mikið um rokk og ról í næstu júgrasjón. Nema frá Íslandi, þaðan kemur Vælon-flokkurinn.

Auglýsing

2006-05-17T15:08:00.000-07:00

Út er kominn Árnesingur VII, rit Sögufélags Árnesinga. Hann kostar kr. 2.500,- fyrir félagsmenn, 2.800,- fyrir aðra. Árnesingur er seldur á Héraðskjalasafninu á Selfossi, en einnig er hægt að hafa samband við stjórnarliða.

Ekki skemmir fyrir að í ritinu er grein sem heitir „Kvikfjártalið 1703 í Árnessýslu“.

Kúnstugt

2006-05-10T18:13:00.000-07:00

Á heimasíðu skjalaskólans í Marburg (Archivschule Marburg) er að finna tenglasafn yfir skjalasöfn víðsvegar um heiminn. T.d. er þar að finna skjalasöfn í Úkraínu, Vatikaninu, Liechtenstein, Ísrael, Danmörku og Færeyjum. En ekki Íslandi!

Talað túngum

2006-05-10T15:45:00.000-07:00

Í kvöld glápti ég ögn á imbakassann. Í honum var (að vanda) ekkert svo ég fer að rápa milli stöðva. Að lokum enda ég á stöðinni Ö¹. Þar er prédikari sem fer mikinn. Hann veltir fyrir sér hví talað sé túngum, aldrei hafi Jesús talað túngum. En var það í raun svo? Hvað með orðin „Eli, Eli, lama asabthani?“?² Hví var hann að mæla á þessari undarlegu túngu fyrst hann „spoke perfectly good english?“

____
¹ Þ.e. ómega.
² (Drottinn, drottinn, hví hefur þú yfirgefið mig?) Markúsarguðspjall, 15:34. „Das Neue Testament unseres Herrn und Heilandes Jesu Christi“ Die Bibel oder die ganze Heilige Schrift des Alten und Neuen Testaments nach der deutschen Übersetzung Martin Luthers. Stuttgart 1962. Bls. 3-260. (Bls. 56)

Próf

2006-05-03T08:00:00.000-07:00

Í hvert sinn sem prófatíð fer í hönd tuða ég ákaft yfir tilgangsleysi og vanköntum tengdum áðurnefndum prófum.¹ Þá eru tveir (2) möguleikar.
Hinn fyrri er sá að hefðbundið prófafyrirkomulag er sannarlega gallað og þarfnast lagfæringar ekki seinna en strax (ég býð mig fram í nefndina).
Seinni möguleikinn er síður fýsilegur. Hann er sá að prófin eru fín en tregðan liggi hjá mér.
Ég er á þeirri skoðun á að seinni skýringin sé röng, því ég á oftast (sjö(7)-níu(9)-þrettán(13)) gott með að fá einkunnir sem ég er sæmilega sáttur með.

Því segi ég: Niður með prófin! Upp með eitthvað annað sem ég er ekki búinn að ákveða hvað á að vera!
____________
¹ Nema í Þýskalandi, þar voru prófin æði.²
² Enda tók ég engin próf í Þýskalandi.³
³ Nema í þýskukúrsunum, en það telst ekki með.

Tilraun

2006-04-27T06:03:00.000-07:00

Hingað til hefir einvörðungu/oftast verið skrifað á þessa síðu hafi ég eitthvað að segja. Nú ætla ég að prófa tilefnislausa bloggun.

...

Hvernig fannst ykkur?

Villa

2006-04-25T10:00:00.000-07:00

Í Morgunblaðinu 29. ágúst 1990 er meinleg villa. Í Víkverja á síðu 46 stendur: ,,Án þess að rýrð sé kastað á Guðmundur Hreiðarsson ..." Vert væri að Morgunblaðið bæðist afsökunar á þessari ljótu villu.

Stórafmæli í lange baner!

2006-04-21T08:01:00.000-07:00

Þennan dag, 21. apríl, fyrir 30 árum lagði danska herskipið Vædderen að bryggju í Reykjavíkurhöfn með Konungsbók Eddukvæða og Flateyjarbók innanborðs.

Vesgú, Flatöbogen.

Til hamingju!

2006-04-21T05:38:00.000-07:00

Til hamingju með afmælið, Elísabet II. Englandsdrottning!

Villur og vitleysa

2006-04-16T13:35:00.000-07:00

Glöggir lesendur muna ef til vill eftir þessu greinarkorni hér þar sem ég fór ófögrum orðum um villur sagnfræðingsins Jóns Tossa. Ég gerði þau mistök að líta aftur í bók hans í eltingaleik við söguna um daginn, og rak þá augað í þetta:

„To understand the full significance of these records [hér er átt við frumskjöl] the historian must if possible study them in their original groupings (a principle on the whole respected in the Public Record Office [Þjóðskjalasafn Bretlands]) rather than in the rearrangement of some tidy-minded archivist.“¹

Þessi orð eru afar vitlaus.
1) Það er ekki bara PRO sem beitir upprunareglunni „að jafnaði“ eins og Tosh segir (auðvitað á hún að vera ófrávíkjanleg regla í hvaða skjalasafni sem er). Hún var fyrst sett á blað í Hollandi um miðja 19. öldina en hafði verið brúkuð víða að einhverju leiti í um hálfa öld áður.
2) „Endurröðun snyrtilegs skjalavarðar“ á ekki að þekkjast. Hver sá sem kallar sig skjalavörð (e. archivist, þ. archivar) á að þekkja upprunaregluna (e. provincial princip, þ. Provincialprinsipp, f. Respect du fonds) og starfa samkvæmt henni. Vissulega leynast einstaka bókasafnsverðir á skjalasöfnum og hafa þeir unnið ófá óafturkræf skemmdarverkin. En þeir eru e k k i skjalaverðir (þó sumir haldi að þeir séu það).
3) Einnig er athyglisvert að hr. Tosh nefnir upprunaregluna ekki sínu rétta nafni. Fyrir því gætu verið tvær ástæður: a) hann gerir ráð fyrir því að lesendur sínir séu (jafn miklir) hálfvitar (og hann) eða b) hann þekkir hana ekki sjálfur undir sínu rétta nafni.

¹ John Tosh: The Pursuit of History. Aims, methods and new directions in the study of modern history. 3. útg. endurskoðuð. London, 2002. Bls. 96

Aðferðafræði?

2006-04-11T14:51:00.000-07:00

„Best er að hafa neðanmálsgreinar eins fáar og stuttar og hægt er. [...] Tilvísanir í heimildaskrá eru oft settar neðanmáls ...“¹

Hér er gert út af við alla hættu á að menn taki rit grandvaralausra stúdenta alvarliga.

¹Ingibjörg Axelsdóttir og Þórunn Blöndal: Handbók um ritun og frágang. 7. útg. Reykjavík 2002, bls. 77. Áherslur mínar.

Staðreynd?

2006-04-07T09:02:00.000-07:00

Ég hef, að því að ég best veit, hvorki komið til Raufarhafnar né Ungverjalands.

GB

2006-04-06T14:08:00.000-07:00

Til hamingju MA.

En! Ég býst við að þessi keppni stuðli að stóraukinni aðsókn að þessari síðu, þar eð spurt var um merkingu þess að vera skjálgur í hraðaspurningunum.

Lífsspeki mín

2006-04-06T12:53:00.000-07:00

Nú, það er ekki seinna vænna.

Ekki skulu praktískir hlutir lærðir. Sé það gert, lærirðu ekkert. Þeir praktísku hlutir eru sérhæfðir og gagnast einungis við fáar aðstæður. Lærðir skulu frekar hinir ópraktísku hlutir. Þeir hafa víða skírskotun og gagnast þar sem síst skyldi.

Frá Raufarhöfn til Ungverjalands

2006-03-30T06:18:00.000-08:00

Sé nafn Ungverjalands ritað á þýðskan móð er það Ungarn. Sem er, eins og glöggir lesendur sjá í hendi sér, stafarugl á nanfinu mínu.

Frá Boston til Raufarhafnar

2006-03-28T09:24:00.000-08:00

,,Í sudda og kalsaveðri fór hrollur um Egil [Jónasson frá Húsavík] og hann orti undir laginu Blessuð sértu sveitin mín:

Farðu í rassgat, Raufarhöfn,
rotni fúli drullupollur.
Andskotinn á engin nöfn
yfir mörg þín forarsöfn,
þú ert versta víti jöfn,
viðmót þitt er kuldahrollur.
Farðu í rassgat, Raufarhöfn,
rotni fúli drullupollur."

Egill Jónasson: Egilsbók. Reykjavík 2001, bls. 100.

Um ,,óhefðbundin" skáld:

,,Það er hægt að þekkja frá
þá sem ekki ríma - sérðu.
Rytjuskegg er oftast á
andlitinu neðanverðu."

Sama heimild, bls. 78.

Frá Raufarhöfn til Boston

2006-03-28T08:24:00.000-08:00

You Are Boston

Both modern and old school, you never forget your roots.

Well educated and a little snobby, you demand the best.

And quite frankly, you think you are the best.

Famous people from the Boston area: Conan O'Brien, Ben Affleck, New Kids on the Block

What American City Are You?

Pólitískt blogg?

2006-03-27T09:57:00.000-08:00

Hvernig er það, var ekki fyrir allnokkru síðan skipaður starfshópur (eða eitthvað álíka) til að finna lausn á vanda Raufarhafnar?

Hefur hann verið leystur?

Hver var hann?

Veðurfregn

2006-03-27T05:06:00.000-08:00

Veðrið í Tübingen í dag: 20,4° á selsíus og um 7 metrar á sekúndu (sem er mesti vindhraði sem ég hef séð mældann í þessu plátzi guðanna).

Veðrið í Reykjavík í dag: 0° og 10 metrar á sekúndu.

Í tilefni vor-lóukomu.

2006-03-26T06:04:00.000-08:00

Heílóar-vísa

Snemma lóan litla í
lopti bláu "dirrindí"
undir sólu síngur:
"lofið gjæzku gjafarans
"grænar eru sveítir lanz,
"fagur himinhríngur.

"Jeg á bú í berja-mó
"börnin smá, í kirð og ró,
"heim' í hreíðri bíða;
"mata jeg þau af móðurtriggð,
"maðkinn tíni þrátt um biggð,
"eða flugu fríða."

Lóan heím úr lopti flaug
(ljómaði sól um himinbaug,
blómi grær á grundu)
til að annast únga smá -
alla jetið hafði þá
hrafn firir hálfri stundu!

[Prentað án höfundarnafns (þó orkt af Jónasi Hallgrímssyni) í 2. árgangi Fjölnis árið 1836, í útlenzka og almenna flokknum bls. 28.]

Einhver verður að segja þennan brandara.

2006-03-25T06:18:00.000-08:00

Forði sér nú hver sem betur getur!

Lóan er komin að kvefa burt landann...

Mislestur

2006-03-23T09:26:00.000-08:00

Stundum getur mislestur sagt manni meira en réttur lestur. Áðan las ég einskis.is þar sem stóð enski.is á heimasíðu Morgunblaðsins og vísaði í einhverja sparklúðasíðu þar sem Íslendingar fylgjast spenntir með hrepparíg Englendinga.

Óþol 16.03. 2006 - 3 Ísland nr. 1

2006-03-16T07:07:00.000-08:00

Vesæla þjóð!

,,Málþingið fer að mestu fram á dönsku en starfsfólk Alþjóðahúss sér um túlkun."*

Að við, sem flest getum talað íslensku tiltölulega skammlaust, ráðum ekki við að kenna d ö n s k u, d ö n s k u! Af öllum málum heimsins dönsku, almennilega og almennt í grunnskólum þessa lands.

*Tölvupóstur sem ég fékk varðandi eitthvað málþing.

Til hamingju með daginn!

2006-03-14T05:04:00.000-08:00

Í dag er 14. mars, eða á amríska vísu ritað 3.14. Glöggir lesendur þekkja þessa tölu einnig sem Pí.

Það er Pí-dagurinn!

Óþol 10.03. 2006 - 1 Fólk nr. 2.

2006-03-10T03:58:00.000-08:00

Ég þoli það ekki þegar maður tuðar almennt yfir einhverju almennu í fari mannkyns og fólk heldur að þar með sé maður að undanskilja sjálfan sig; þ.e. að setja sig á háan hest.

Ég vil geta tuðað yfir öllu, þar með töldum sjálfum mér.*

___
* Ég fíla þágufalli.

Óþol

2006-03-06T06:20:00.000-08:00

Nýr bréfalykill. Gildir frá og með deginum í dag, 6.3. 2006.

Óþol
1 - Fólk
2 - Skólinn
3 - Ísland
4 - Útlönd
5 - Bækur
6 - Fréttatengt efni
7-19 - Opin númer
20 - Annað

Því skoðast síðasta færsla sem:
Óþol 5.3. 2006 - 1 (Fólk) nr. 1.
Næsta færsla sem tengist fólki verður því númer:
Óþol DD.MM. ÁÁÁÁ - 1 (Fólk) nr. 2.

Vonandi verður þetta lesendum til hægðarauka og þæginda.

Óþol 1 - Fólk

2006-03-05T15:17:00.000-08:00

Ég þoli ekki fólk sem er jafn latt að blogga og ég.