Nú eru nærri liðnir tveir (2) mánuðir síðan ég kom til Þýskalands. Þá voru haustlaufin byrjuð að falla af trjánum, þrátt fyrir nærri þrjátíu (30) gráðu hita. Svo kom kuldakafli (sem varði til allrar glukku ekki lengi) og nú er u.þ.b. tuttugu (20) gráðu hiti. En! Laufin falla enn (hægt og rólega), og sum tré eru lauflaus en önnur eru ennþá græn. Því segi ég: Það er langt haust í útlandinu.
Á skrifstofuhurð í sagnfræðibyggingunni hér við háskólann, Hegelbau, er forsíða die Bild (kvk afþví þetta er blaðið, ekki einhver mynd) frá því í vor. Á henni er stærðar mynd af Josef Ratzinger undir fyrirsögninni: ,,Wir sind Pabst!" Við hliðina á þessari síðu er búið að hengja miða sem stóð á: ,,Und bald auch Weltmeister" Ég segi stóð því það er búið að krota
halb á undan Weltmeister. Hef ekki hugmynd um afhverju.
Jeg gekk inn a bokasafnid adan (thessvegna isl.stafaleysi) og vid fatahengid er skapur med gömlum bokum sem madur getur keypt a 1 €. Jeg kikti adeins a urvalid, vanalega er bara eitthvad gamalt drasl tharna samt, og hnyt um thrjar baekur: Tonmentir A-K, Tonmentir L-Ö og Sonur minn Sinfjötli eftir Gudmund Danielsson. Merkilegt thad. Jeg keypti thaer samt ekki.
(Jeg var ad fatta ad madur getur skrifad broddstafi a thessi lyklabord: íóáú, en thad er miklu utlandalegra ad skrifa an theirra.)
Á morgun klíf ég fjall í Ölpunum og fer á kirkjutónleika einhversstaðar í suður Bayern. Meira síðar. (Derrick er frá Bayern.)
Okkur á hæðinni minni á stúdentagarðinum langar til að fá internet inná herbergi til okkar. Því erum við þessa dagana að skoða tilboð. Verðhugmyndir eru ca. 30 evrur á mánuði. Ég sá samt í einum tilboðsbæklingnum 20 mbit á sekúndu fyrir 189,9 evrur, ca. 14.000 krónur á mánuði. Hvað kostar það hjá Ogvoðasímanum?